Mosselbaai Besigheidskamer

Harry Hill van Mosselbaai Munisipaliteit (tweede van regs). Die lede is (van links): Kobus Smit (Gouriqua Eiendomme), Floyd Murray (Murray & Jacobs Consulting) en Pierre Venter (regs), voorsitter van die Kamer

Nuut gestigte Mossel Baai Besigheidskamer

MOSSELBAAI –Die sakelui van die dorp het weer ‘n organisasie wat met ‘n gesamentlike stem kan praat nadat die Afrikaanse Sakekamer ‘n paar jaar gelede ontbind het. Die nuutgestigte Mosselbaai Besigheidskamer beplan om die belange van die dorp se sakelui voorop te stel en om die dorp meer mededingend te maak.“Ons moet Mosselbaai aanlokliker maak vir beleggers en ‘n omgewing skep waar entrepreneurs aangemoedig word om werksgeleenthede te skep en te ontwikkel.

Mosselbaai se sakekern moet opgeknap word en woonbuurte moet opgeruim en skoon gemaak en  word

Ons moet ekonomiese verandering dryf deur onderwys en opleiding aan te moedig. Die Sakekern moet opgeknap en interessanter gemaak word met verbeeldingryk ontwikkelings, want die huidige toestand is totaal onaanvaarbaar. Woonbuurte moet opgeruim en skoongemaak word en daar moet meer orde in die dorp wees. Die onbeheerde en onooglike ontwikkelings is ‘n klad op ons naam”  het die voorsitter van die Besigheidskamer, Pierre Venter aan Die Burger gese.

Kleiner besighede en nywerhede moet groter rol speel om  Mosselbaai ekonomie te stimuleer

Die dorp het die afgelope paar jaar fenominaal gegroei en sy posisie as vakansie- en aftreebestemming gevestig. Daadwerklike stappe is egter nodig om die sake-sektor ook te laat ontwikkel. Daarom is dit so noodsaaklik dat daar  na ander  maniere gekyk moet word om die groei en ontwikkeling van die plaaslike ekonomie te stimuleer. Veral in die lig van die feit dat PetroSA, volgens alle aanduidings, nie onbepaald die groot rol gaan speel wat hy tans speel nie. Daar sal in ‘n baie groter mate na die kleiner besighede en nywerhede gekyk moet word om die groei te stimuleer.

Een van die voorvereistes om so ‘n ontwikkelingsprogram te dryf, is dat die dorp en die gemeenskap mededingend moet wees. Om mededingend te kan wees word die regte mengsel van fisiese, intellektuele en kulturele bates wat mense met vaardighede, talente en kreatiwiteit kan trek en behou, benodig.

Mosselbaai moet ‘n dorp wees wat mense opgewonde moet maak

Pierre glo dat die dorp nie net plaaslik mededingend moet wees nie. Met die toename in buitelandse toerisme, is dit noodsaaklik dat die dorp ook globaal kompeterend moet wees. Diens moet opgeskerp word, fasiliteite moet op wêreldklas standaarde gebring word en Mosselbaai moet ‘n dorp word wat mense opgewonde maak! “Ons het alles wat nodig is, ons moet dit net ontwikkel en benut” het hy bygevoeg.

Sokker Wêreldbeker van 2010 is ‘n geleentheid is en dat Mosselbaai moet dit ten volle benut

Maar hoe bly jy uniek en op die voorpunt van geleenthede? Hoe maak jy ten beste gebruik van elke geleentheid wat hom voordoen? Pierre glo dat die Sokker Wêreldbeker van 2010 so ‘n geleentheid is en dat Mosselbaai nie kan bekostig om hierdie geleentheid nie ten volle te benut nie.

Mosselbaai – gasheerdorp vir die Paraguay-span en hul ondersteuners

“Ons is baie opgewonde oor die nuus dat Mosselbaai die gasheerdorp van die Paraguay-span en hul ondersteuners gaan wees. Die Mosselbaai Besigheidskamer het ‘n inligtingsessies gereel om saam met hul volgende byeenkoms te val.

Louis Harris en Marcia Holm sal die Mosselbaai besigheidskamer inlig oor die geleenthede wat die Sokker Wêreldbeker vir die dorp inhou

Mosselbaai se 2010 verteenwoordiger, Louis Harris en Marcia Holm van Mosselbaai Toerisme, wat onlangs in Suid-Amerika was, sal die vergadering inlig oor die geleenthede wat die toernooi vir die dorp inhou. Die byeenkoms vind op Dinsdagaand 13 Oktober om 18:00 by die Santos Express (Trein Restaurant) plaas en die toegangsgeld is R30 vir lede en R50 vir nie-lede. Verversings en ‘n kontantkroeg sal aangebied word.

Mosselbaai Besigheidskamer wil graag die ondernemings van die groter Mosselbaai gebied saamtrek om te verseker dat die dorp wel oor mededingende voordele beskik. “Ons moet mekaar met raad en daad bystaan en saam sorg dat al ons dienste en fasiliteite van wêreldgehalte is” het hy bygevoeg.

As jy belangstel om by die Besigheidskamer aan te sluit, kontak gerus die voorsitter, Pierre Venter, by 082-492-2623 of stuur ‘n e-pos aan
mosselbaybusiness@gmail.com

(Denise Lloyd)

More about this topic

• Storms River Guest Lodge
• Tsitsikamma Falls Adventures
• Calitzdorp Spa
• Pine Creek Private Holiday Resort
• Jonqua Farm Cottages

Mosselbaai Besigheidskamer

mosselbaai besigheidskamer

Mosselbaai kry nuwe Besigheidskamer

Mosselbaai het onlangs ‘n Besigheidskamer gekry. Na afloop van ‘n inligtingsvergadering waar belangstellendes onder meer deur ‘n verteenwoordiger van PetroSA oor die voorgestelde LNG (beoogde aflaai-aanleg vir vloeibare aardgas) ingelig is, het die gaste lekker saamgekuier en die voordele van die Kamer bespreek.

Hier kuier van die komiteelede saam met ‘n spreker, Harry Hill van Mosselbaai Munisipaliteit (tweede van regs). Die lede is (van links): Kobus Smit (Gouriqua Eiendomme), Floyd Murray (Murray & Jacobs Consulting) en Pierre Venter (regs), voorsitter van die Kamer.

Volgende vergadering van Mosselbaai Besigheidskamer

Die volgende vergadering vind op Dinsdag 13 Oktober om 18:00 by Santos Express op Mosselbaai plaas.

Skakel 082-492-2623 of stuur ‘n e-pos aan mosselbaybusiness@gmail.com (FOTO: DENISE LLOYD)

More about this topic

• Besigheidskamer wil Mosselbaai meer mededingend maak
• Tsitsikamma Wood Cutters Journey
• Tsitsikamma Mountain Trail
• Tsitsikamma Backpackers
• Tsitsikamma Falls Adventures

Hier kuier die minister saam met die dorp se burgmeester, raadsdame Marie Ferreira (tweede van links), voorsitter van die Mosselbaai Besigheidskamer, mnr Pierre Venter (regs) en bestuurslid en sakevrou Marieka Thomatos (tweede van regs).

Minister van Toerisme Mnr.Marthinus van Schalkwyk besoek Mosselbaai

Mosselbaai het gasheer gespeel toe altesaam 27 strande in 11 kusgebiede landwyd verlede Donderdag Blouvlag-status vir die 2010/2011 seisoen tydens ‘n seremonie op Santosstrand ontvang het. Die oorhandiging het saam met die tiende herdenking van die Blouvlag-program in Suid-Afrika geval. Die minister van Toerisme, mnr Marthinus van Schalkwyk en me Sophie Bachet van Denemark, die internasionale programbestuurder van Blouvlag, het die vlae aan die verteenwoordigers van die verskillende munisipaliteite oorhandig.

27 strande in 11 kusgebiede ontvang Blouvlag-status.

“Ons skop ook vandag met die aankondiging van die Blouvlagstrande die somerseisoen amptelik af” het hy gesê en bygevoeg dat Suid-Afrika, wat 10 jaar gelede die eerste nie-Europese land was wat by die Blouvlag-program ingeskakel het, vandag deel is van bykans 4 000 strande in meer as 42 lande. Altesaam 27 strande in 11 kusgebiede landwyd verlede Donderdag Blouvlag-status vir die 2010/2011 seisoen ontvang. “Die Blouvlag-status van ‘n strand gee vir toeriste gemoedsrus oor faktore soos watergehalte, skoon ablusiefasiliteite en veiligheid en dra beslis by tot verhoogde inkomste van die area. Die beleggings wat kusowerhede dus maak om die Blouvlag-vereistes te opsigte van kwaliteit en akkreditasie na te kom, is beslis dubbel en dwars die moeite werd” het hy bygevoeg.

Die minister het ook bekend gemaak dat toerismesyfers vir  die eerste sewe maande van die jaar (in vergelyking met dieselfde tydeperk gedurende 2009) toon dat daar ‘n toename van 18,1% in buitelandse besoekers was. Die syfer is 4,5 miljoen teenoor 3,8 miljoen vir dieselfde tydperk verlede jaar. Blouvlag status vir Suid Afrikaanse Strande Mosselbaai het die status vir twee van sy strande, naamlik Santos en Hartenbos behou en die gesogte vlae sal vir die tweede seisoen op die plaaslike strande wapper. Die Hessequa munisipaliteit spog ook met twee Blouvlag- strande, naamlik Lappiesbaai (sesde keer) en Witsand wat vanjaar
vir die eerste keer hierdie status verwerf het.

In die Bitou distrik het Robbergstrand sy status behou. Op Blouvlag-vlak spog beide Kaapstad en KwaZulu Natal met ses strande elk.
Die minister het op ‘n ligte noot geskerts dat die verteenwoordigers van KwaZulu Natal baie welkom is op Santosstrand, maar dat hy nie dieselfde van hulle op die rugbyveld kan sê nie! ‘n Gegoede korswel het uitgebreek toe ondersteuners van onderskeidelik die Stormers en die Haaie met geesdrif hul spanne se name uitgeskree het. Die minister het vinnig bygevoeg dat hy weens
sy nasionale verteenwoordigheid nie ‘n gunsteling gaan aankondig nie!

Die burgmeester van Mosselbaai, raadsdame Marie Ferreira, het vertel hoe trots hulle op die Blouvlag-status is. “Benewens die prominensie wat die status aan toerisme gee, is my Raad ook in hul skik met die geleentheid wat deelname aan so ‘n elite program ons bied om bydraes tot die volhoubare ontwikkeling van ons natuurlike erfenis, naamlik ons strande te maak” het sy gesê en bygevoeg dat sy elke keer ‘n warm gevoel kry as sy die pragtige Blouvlae op Santosstrand en Hartenbos sien wapper.

Sy het dan ook al die aanwesiges genooi om getrou aan die dorp se motorregistrasie CBS te bly, naamlik:  Come Back Soon! Volgens die voorsitter van Mosselbaai Toerisme, mnr Neels Zietsman, speel Mosselbaai se strande ‘n groot rol in die dorp se gewildheid as
vakansiebestemming. “Die dorp is vanjaar weer as die Wes-Kaap se gunsteling dorp aangewys en ek glo dat ons kuslyn en die kwaliteit van ons strande hier van deurslaggewende belang was” het hy bygevoeg. Hy het ook die plaaslike munisipaliteit geloof vir hierdie belangrike bydrae tot toerisme en bewaring deur die streng vereistes van die Blouvlag-program te ondersteun en na te
kom. Op Mosselbaai sorg mnr Abrie Nel dat al die streng reëls en regulasies noukeurig nagekom word sodat Mosselbaai met trots sy Blouvlag-status kan handhaaf en behou. Die status word jaarliks hersien en strande moet hard
werk om dit te behou.

Blouvlag – Status vir 27 Strande is a post from: Denise Lloyd